Bane Literary Society

انجمن ادبی بانه

سهرهتا چیرۆک شێعر وتار ههواڵ وتووێژ کتێب فستیڤاڵ دراوسێکان

هاوار

که ههورێکی ڕهشى بێزار لهم گهڕان و گریانانه

خۆی ههڵاوارده سهر زهوی:

له پشت لووتکهى کێو بوو به مژ

- مژێکی خهستی ناشیرین-.

که نیوه شهو

دێوی دزێوی تهم و مژ- به بوخچهیهک خهمی دێرین-

به پێدزکێ

هورووژمی برد بهرهو ناو شار:

شار نووستبوو، بهڵام؛

لوورهى گورگ و شاباشی سهگ

هێنده بهرز بوو:

واتدهزانی زهماوهندی تهم و شاره.

که ڕۆژ بۆوه

تهم و مژی دڵ پڕ له قین

دوژمنی ئازادیی و گهل و ئهوین

قهفقهف وهک مار

خۆی دههاڵانده دهس و پێ:

ئهوهى دهس بوو قۆڵبهس کرا،

ئهوهى پێ بوو زهنجیرێکی له مل کرا،

چاو، چاوى نهدهبینى ،

ههر به تهنیا قیژه و هاوار

مهوداى زیاتر ڕۆیینیان بوو:

چون گوێ نهبوو بیانبیستێ.

لهو ڕۆژهوه

قیژهى بێدهنگ له دایک بوو!.

18/11/1379

نهجمهدین براخاسی(ههواربانه)

خانه کارگاه داستان شعر مقاله گزارش گفتگو کتاب فستیوال پیوندها